Akkommod sin forretningsidé er å tilby eit nytt konsept, gjennom ein app, som skal redusere tida i sjukmelding for pasientar med muskel- og skjelettskader, gjennom ein betre tilpassa arbeidssituasjon – inkluderande arbeid. Kundane til Akkommod vil vere alle bedrifter med tilsette, både offentleg og privat. I første omgang vil Akkommod ha fokus på kommunesektoren i Norge.

Målet vårt

Målet med konseptet vårt er å gjere inkluderingsprosessen både enklare og kvalitativt betre. Appen eller konseptet rettar seg mot faggrupper som er involvert i ein inkluderingsprosess. Konseptet vil bli brukt som direkte filtrering og utval av passande arbeidsoppgaver, men også som informasjon om arbeidsplassen og den fysiske belastningsprofilen der.

Gjennom å synliggjere belastningsprofilen på arbeidsoppgavene vil ein effektivisere og kvalitativt forbetre utvalet av passande arbeidsoppgaver på ein arbeidsplass. Dette vil forkorte sjukefråværet og føre til at behandlinga kan utførast på arbeidsplassen, der dei spesifikke belastningsprosessane er. Ved å bruke denne muligheita kan ein ha fokus på korleis ein kan gjere oppgaver meir skånsomt for kroppen.

Akkommod skal i løpet av 2021, gjennomføre eit pilotprosjekt / studie av effekten ved bruk av Akkommod sin metode. Dette skal gjennomførast ved 1 eller 2 kommunar i Sogn og Fjordane, og i tett samarbeid med forskar ved UIB.